spain.jpg

شعتيلي يهنيء منتخبنا الاسباني الوطني لكرة القدم ويحيه بزامور أطول من يوم الجمعة ليخزق طبلة أذن كل مشجع ألماني خائن لوطنيته وكل مواطن يحاول أن ينام لأنه في عنده بكرا شغل على الساعة ٨. وأذا طلعلك مشجع ألماني إرفع عليه موس ٧ طقات لأنه عم بهين بكرامتك وفريقك الاسباني العظيم… لأنه أهلنا لمّا خلفونا في حواري مدريد وصّونا قبل ما انهاجر على الأردن إنه نرفع العلم السباني فوق على سطوح الدار. وبكرا انشاء الله إذا فازت نيكاراغوا بكأس أمريكا الوسطى بنحول انتمائنا لعلم نيكاراغوا العظيم
قبل سنتين كان شعبنا العزيز آزوري حتى النخاع واليوم هو اسباني حتى النخاع… حتى نخاعاتنا الفارغة صرنا نبدلها بسرعة…
يلاّ … خلي الشباب تفرح وتعمل حوادث سير وترفع على بعض إمواس خلي الفاضي يعمل قاظي واللي مالو فريق مالو عيد وطز بكل ماهو قيم ومفيد
  • Share/Bookmark

2 Responses to “إسبانيا خاوى بس حدا يقولي على مين”

  1. ياسمين حميد Says:

    وبتشجع إسبانيا؟
    لالالالا، هاذولا طردوا أجدادنا من الأندلس، شو نسيت؟
    هههههههههه

    طبعاً، نخاعنا يتبدل حسب موقع الكأس، أم أنك تظن نخاعنا يقبل البقاء بلا كؤوس؟
    على كل، مبروك الكأس لأسبانيا، وحظ أوفر لألمانيا في المرة الجاية

  2. ASKAdenia Says:

    وطز كبيرة كمان
    مبارح لما شفت الناس رافعة علام اسبانيا فكرت حررو الاندلس هههههههههههه

    مسخرة والله

Leave a Reply