وينك يا رمضان؟

September 9th, 2007

ramadan2007.jpg

زمان
كان الكل فرحان.. رمضان جاي عالأبواب.. والصغار منّا بحوشوا هدايا لعمو رمضان.. أو هيك كلنا كنا إنفكر.. إنوا رمضان زلمة كبير وعجوز طيب راح يكرم علينا بالخير… لمّا كنت صغير كانوا أهلي يحاولوا يعودوني على الصيام.. وبلشوا معي بصيام العصفورة.. يعني صوم لحد الظهر.. وبعيدها صيام الديك للعصر وبعدين صيام كامل. كنّا كل صلاة نروحها عالجامع.. وكنا نحب نفطر بالجامع، لأني كنت أحب التمر واللبن اللي بوزعوه هناك. يا أخي كان طعمه غير.. ما بعرف هي الجمعة في المسجد ولاّ نوع التمر اللي بتوزع.. بس بصراحة كان شعور رائع.. بتذكر صحور البطيخ مع الجبنة العكاوي.. بتذكر أنه كنت أتصحر وأنا نص نايم… بتذكر حلاوة صلاة الفجر… وبعدها كم آية كنت أقد ساعة وأنا أحاول اقرأهم.

بتذكر أنه كل صبح في المدرسة كنّا نتراهن بين بعض مين فينا صايم.. ” طبعاً من خلال قرص الجلد عند مفصل أحد الأصابع، أو من خلال مد اللسان”. كنّا كمان لمّا نتوضأ نقعد ساعة نتمضمض ونحاول ندخل شوية مي بالغلط. كنت لما أروح من المدرسة نمر عالجامع ونصلي الظهر. مرّات نسحبها للعصر في الجامع.

بتذكر جمعت الفطور مع إخواني. وبتذكر صحن الفول من جارتنا إم محمد. وما بنسى صلاة التراويح اللي كنا نمضيها قاعدين نرتاح أكثر من الوقفة بالصلاة. وكنت أحب دروس الدين في الصلاة عشان بناخذ إستراحة من الوقفة. بتذكر إني كنت أغفى في السجود بقيام الليل. وبتذكر صوت الشيخ في القرآن وانا سرحان في الصلاة.

أيامها ما كان في غير التلفزيون الأردني والشام. ويادوبك هالكم مسلسل. اللي صراحة ما تزعل إذا راحو عليك. كان في بركة في الوقت والمال.. كان رمضان ضيف عزيز وذكرى حلوه.

بس اليوم… عمّو رمضان بطل زي زمان، أخذ ذكرياتي وراحوا لغير مكان.

إحكولي.. وين رمضان

  • Share/Bookmark

16 Responses to “وينك يا رمضان؟”

  1. Ola Says:

    You’re right it’s no longer the same as before. It’s hard to find Ramadan spirit in today’s world. Nonetheles, today on my way from work, the weather nad something in the air made me feel like I’m back to those days!

  2. أحمد صيداوي Says:

    اه والله زمان…
    عارف يا وائل جد انو وانا بقرأ كلامك حسيت انك بتحكي عني…مع اختلاف بعض التفاصيل ومكان العيش….بس هي نفس القصة…..يا سبحان الله لما كنت بس بصلي عشان الشعور الحلو إلي بيجيلي وانا بالمسجد..لا وبضل لقبل وقت الفطور بخمس دقايق…واحلى شي عندي بهاد الوقت انو البلد بيكون هيك فاضي والناس مستعجلة….وسبحان الله وقت الفطور بيكون جوه غير…أما سهرات رمضان أيام ما كنت مع الشباب..قال بنصلي تهجد وقيام…واحنا قاعدين بنتسحر ومكيفين….أيام البرامج الحلوة عالتلفزيون والمسلسلات الي عنجد روعة….مش مليون مسلسل وماحد فيهم بيستاهل انك تحضرو!!
    يا سيدي المهم كل عام والكل بخير يا رب

  3. mkilany Says:

    لا تيأس فرمضان سيبقى له محبوه… أعدتنا 15 سنة على الأقل بكلماتك… شكرا لك

  4. Wael Attili Says:

    كل عام وانتم بألف خير

  5. manal y Says:

    i have big hopes for ramadan this year i guess it will be beuatifull…
    well alteast after i read this article im getting all axcited…yup ramamdan is a nice month…and did u notice how most facebook users are using yr last year ramadan post card..im happy about that too :D

    this year card i find it really beautifull but i cant figure out what is exactlly forming the moon ..is it a plate what is it?

  6. Wael Attili Says:

    Manal: I have the same feeling especially after i quit smocking… :)
    The picture is for a car wheel covers on a concert wall… i took last year near a farm..

  7. Rifqi Assaf Says:

    Well Wael, you took us all back in time, it was really different, and much more spiritual and relieving, i have a good feeling about this year’s, we are all thirsty for some.. dunno.. may be purity

  8. جنان Says:

    الله يعيــــده علينا كل عام

    ويجعلنا ممن يحسن قيامه وصيامــــه

    شكراا

  9. Tips & Polls: شعور لطيف بالجوع Says:

    […] رمضان عندما كنا صغارا كان شهرا للتحدي من يصوم الشهر كله… من يا ترى يقوم الليل أكثر… من يقرأ القران كله…إيهرمضان عندما كنا صغارا كان شهرا يشتاق إليه… كان شهرا للزيارة و اللعب كان شهرا ينتظر ليس فقط لموائد تتلألأ… و لا ..ليس فقط لأجل القطايف:) و لكن لأجل كل المجتمعين في بيت جدي رحمه الله… ايهرمضان و جدي متلازمان في الذاكرة… فلكل حفيد فانوس من مصر يضيء بألوان سحرية… رحمك الله يا جدي فقد كنت تعرف أن لرمضان بهجة ينبغي أن يعرفها الصغار و الكبار… ايهرمضان عندما كنا صغارا كان يأتي بالوقار… كان يصحو كل من في البيت وقت السحور حتى وإن كان رغما عنه و عن فرك العيون المغمضة… كان هناك من يأكل نصف نائم فيضحك أهل البيت و تبتسم القلوب قبل العيون… ايهرمضان عندما كنا صغارا كان يعني أن نصلي الفجر أن نسمع صوت أبي يصدح بالصلاة… أن لن يدخن اليوم أحد… اييهرمضان عندما كنا صغارا… كلا… بل رمضان عندما كنا كبارا كان أجمل… فكل عام و أنتم بخير و عسى أن نعود كبارا… هThis post is inspired by sha3teely’s post وينك يا رمضان… […]

  10. عمر Says:

    رمضان كريم على كل الامة العربية

  11. طارق Says:

    كل عام وانت بخير وان شاء الله يتقبل الله منا ومنكم صيامنا وقيامنا

  12. mariam Says:

    عمو رمضان .. كان متل ما قلت

    لكن راح … وما اتخيل يرجع ما كلن بيوم من الايام

    لانه الوقت غير الوقت .. والزمان غير الزمان
    والناس غير الناس

    فكيف بدك اياه يرجع متل ما كان؟

  13. Twitter Trackbacks for Sha3teely » Blog Archive » وينك يا رمضان؟ [sha3teely.com] on Topsy.com Says:

    […] Sha3teely » Blog Archive » وينك يا رمضان؟ sha3teely.com/?p=669 – view page – cached كان الكل فرحان.. رمضان جاي عالأبواب.. والصغار منّا بحوشوا هدايا لعمو رمضان.. أو هيك كلنا كنا إنفكر.. إنوا رمضان زلمة كبير وعجوز طيب راح يكرم علينا بالخير… لمّا كنت صغير كانوا أهلي يحاولوا يعودوني على الصيام.. وبلشوا معي… Read moreكان الكل فرحان.. رمضان جاي عالأبواب.. والصغار منّا بحوشوا هدايا لعمو رمضان.. أو هيك كلنا كنا إنفكر.. إنوا رمضان زلمة كبير وعجوز طيب راح يكرم علينا بالخير… لمّا كنت صغير كانوا أهلي يحاولوا يعودوني على الصيام.. وبلشوا معي بصيام العصفورة.. يعني صوم لحد الظهر.. وبعيدها صيام الديك للعصر وبعدين صيام كامل. كنّا كل صلاة نروحها عالجامع.. وكنا نحب نفطر بالجامع، لأني كنت أحب التمر واللبن اللي بوزعوه هناك. يا أخي كان طعمه غير.. ما بعرف هي الجمعة في المسجد ولاّ نوع التمر اللي بتوزع.. بس بصراحة كان شعور رائع.. بتذكر صحور البطيخ مع الجبنة العكاوي.. بتذكر أنه كنت أتصحر وأنا نص نايم… بتذكر حلاوة صلاة الفجر… وبعدها كم آية كنت أقد ساعة وأنا أحاول اقرأهم. View page Tweets about this link […]

  14. karem Says:

    في البداية كل عام والامة العربية عامة والشعب الفلسطيني خاصة بخير ونتمنا زوال الاحتلال الصهيوني عن اراضينا المحلتة رمضان شهر الخير والاحسان اعاده الله علينا وعليكم بالخير والاطمئنان
    *****************************
    في ايام الطفولة كان رمضان احلى لانه شيئ جديد يدخل على مخيلة الطفل على انه انجاز ان صمت كامل الشهر طريقة للتحدي بين الطفل واخلائه
    كان ايام جدي وجدك ابي واباك كان لهم دورا كبيرا في تشكيل رونق جميل يضع البهجة في اعين الكثير مثل توزيع الحلوة و احظار الفوانيس للاطفال لكن في يومنا الحاظر لا اعرف لما اختلف الوضع عن سابق عهده او لانا انهينا مرحلة طفولتنا او او اواو اوا لا اعرف

    في النهاية اتمنا من الله عزا وجل ان يقدرنا على صيام شهر رمضان واياكم راجينا من الله تحرير مقدساتنا المحتلة واراضينا وتمنياتنا بدعواتكم لاخوتكم في غزة الياسر ابو عمار

  15. Roza Says:

    كلمات رائعة عنجد رجعتونا ل 10 سنين
    رمضان مافي متلو رمضان شعور غير شكل رمضان فيه تطمئن القلوب رمضان فيه الخيرات رمضان كريم
    اللهم يا رحمنا … بلغنا رمضان…. واجعلنا نختم
    القرآن…. واهدنا لبر الأمان

    كـــل عــام وأنـتـم بـألـف خـيـر

  16. محمود Says:

    الصورة اللي فوق فيها رسالة خطيرة جدا ……. شو المقصود بالسكين اللي داخل الهلال والدم اللي عليها
    ؟؟؟؟؟؟؟؟؟؟؟؟؟؟؟؟؟؟

Leave a Reply