يعني الله يرحم أيام ستّي لما كانت تروح لعند الفتّاحة أم محمد وتقرالها الفنجان. تفوت على بيت أم محمد تلاقي الدوخان والبخور معبي الغرفة. وقعدة عربية في الوسط سدر نحاس عليه خرز أزرق. والغرفة مظلمة وريحتها بتصتح. بس اليوم تحول بيت أم محمد لاستوديو وصار فك السحر على الهوا والتلفون.

تخيّل في موضة هلأ في القنوات الفضائية بتتخصص في فك السحر والشعوذه والخزعبلات. وقال إيش الشيخ الفلاني قاعد بحلل أمراض ومشاكل على التلفون وبعطي وصفات من القرآن كأنها حبّات دوا. وقال أيش.. راجعيني بعد أسبوع.

بقلك الزلمه، أقرائي أيه 70 من صورة كذا مع آية 60 من صورة كذا قبل الأكل وراجعيني بعد أسبوع وبإذن الله راح يروح الوجع. ولك الله يوخذك شو إنّك ما بتستحي…

العبرة من هذه القصة طبعاً، أنه إنتشار القنوات الفضائية والتلفونات الخلوية لا يعني بالضرورة تطور حضاري. وإنما تطور في وسائل استغلال وحلب العقول الجاهلة والمتخلفة التي مازالت تنتشر في عالمنا العربي. يعني يا ولاد الهبلة اللي قاعدين تتصلوا في هيك قنوات وتصرفوا مصاريكم على الفاضي، يعني بعد كل هالعلم والتطور الفكري والإنساني… في حدا لسى بآمن بي هالحكي الفاضي. بعدين هلأ ربنا نزل القرآن على سيدنا محمد “صلى الله عليه وسلّم” عشان حضرة جنابه الشيخ فلان يكتبوا وصفات للمرضى.. ولكوا عيب عليكوا يا بجم.. والله حرام اتكونوا مسلمين وحرام اتكونوا بشر.

مش من عوايدي أكتب هيك بس شي كان في صدري وطلعته، وتفوووووووووووا على هيك أمه.

بالمناسبة ستّي الله يرحم ترابها ما عمرها راحت على فتاحة.

  • Share/Bookmark

5 Responses to “فتّاحة على الهوى!”

  1. Hussein Says:

    دعوة للأخوة المشعوذين في أنحاء العالم.. لمشاهدة هذا الڤيديو

    http://ikbis.com/Ibrahim/shot/1559

    مع تحيات

    زياد سحتوت

  2. manal y Says:

    going to a “fata7a” and things like that are stupid and practiced by ignorant individuals, but this channel(so far 2) thing reflects an abjection of a whole community.!!

  3. aya Says:

    i agree! walla ms5ra fe qanawat eshe bfaret do7ok o el nas zy el hbayel bteslo !

  4. snawsi Says:

    Loool! yesslam fommak !!!

    One of my dad’s acquaintance told him once( while getting out of the mosque):” you should watch ********* channel, ask the “cheikh ” and you will recover from your ulcer! You can even get your banat married ” !!!

    So yes: تفوووووووووووا على هيك أمه

    - Snawsi from Tunisia ;)

  5. Tico Says:

    تفوووو؟؟؟ ولكو هالكلمة قليـــــــــلة!!!
    أمة لساتها بتصدق هيك اشياء بستاهلش تعيش!
    والله قليل اللي بيعملوه فينا اليهود و الامريكان…قال شو و بيدعوا اللع سبحانه و تعالى: اللهم مزق شملهم و بدد جمعهم و اكسر شوكتهم،،، ولكو بالله عليكم أمة فيها هيك مهابيل و بيجوز يصح تسميتهم “خارجين عن الملة” لأنو اللي بيعملوا بيدخل تحت نطاق “الشرك بالله”! شواء المتصلين او اللي بيديروا البرامج الغبية هاي!

    لو في رقابة و لو خفيفة، و الله هيك بشر لازم يتحاكموا!

Leave a Reply