jajeh.gif
السؤال الذي حيّّر هالأمة، أكثر مما حيّرت إسرائيل الشعوب العربية. وأكثر مما حيرت حرب العراق أهل المنطقة. سؤال أكثر تعقيداً من الأزمة السياسية في لبنان. والحرب الأهلية في الصومال. سؤال أقدم من القضية الفلسطينية، وأهم من لقمة عيش الفقراء. ومع ذلك سأعطيكم الجواب النهائي.

الحل بسيط، طبعاً الجاجة أجت قبل البيضة. لأنه ببساطة الكل ناسي أنّه في ديك في الموضوع! تخيّل لو أجت البيضة أول وطلع منها صوص ديك. كان إنقطعت سلالة الجاج للأبد. يعني ببساطة العملية بدها ديك وجاجة. ومش معقول يكون حياة الجاج بدت ببيضتين، وحده طلّعت جاجة والثانية طلّعت ديك. يعني نسبة الاحتمالات شوي ضعيفة.

كيف يعني؟ مثلاً كل بيضة في إحتمال 50% تتطلع ديك و50% تتطلع جاجة. معناها لمّا يكون عندك بيظتين. ” الرجال أكيد في عندهم” معناها عندك 3 إحتمالات، يا جاجة وديك، ياجاجة وجاجة، يا ديك وديك. وبالتالي احتمال التسلسل التكاثري اتقلّص للثلث.

فيعني مين أسهل إتبلش بديك وجاجة. ولا ببيض. ثانياً لما كل واحد فينا بدوا يربي جاج. بروح بشتري بيض ويقد عليه عشان يطلعلوا جاج؟ ولاّ بشتري ديك وجاجة وهم بطلعوا كل شي! بعدين لو فرضنا إنه البيضة أجت أول، بالله عليكوا مين كان فاضي يقعد عليها لحد ما اتفقس.

عشان هيك المنطق بقلّك أنه الديك والجاجة أولاً ثم البيض ثانياً والمنطق سعاده.

  • Share/Bookmark

9 Responses to “تراهنوا إنّه الجاجة أجت قبل البيضة!”

  1. بلفوط Says:

    عفوا بس بماإني دارس هندسة كهربا وهاي أول فرصة بتيجيني أستعمل إشي درستو بالجامعة، الله وكيلك طول نهاري نازل فك بالشغلات وعمره ما رجع إشي محله، إحتمال يطلعوا جاجة وديك برضو 50% لإنو لما تعد جاجة وديك بتعدها مرتين عشان الترتيب ممكن يتغير.

  2. Qwaider قويدر Says:

    طيب اتفلسفلي شوي
    لو اتبعنا نظرية التطور لدارون كان عرفنا انه مستحيل الجاجة تيجي قبل البيضة
    طيب من وين اجت البيضة الاولى؟ اجت من حيوان آخر غير الجاج وكانت عبارة عن طفرة في الحيوان الأصلي و صار من بعديها الجاج جاج، وصار يبيض
    و توتة توتة .. خلصت الحدوتة

  3. Wael Attili Says:

    بلفوط: مع إني ما استوعبت مزبوط، بس لما يكون عندك ديك وجاجة ممكن يبيضوا أكثر من بيضة وحدة وبظلهم يجربو حظهم تايطلع معهم ديك وجاجة غيرهم.

    قويدر: سيبك من حكي دارون الفاضي، أبو شعتيلي بأكدلك أنه الجاجة أول.
    بعدين لو حكي دارون صح… كان لازم يصير طفرتين.. واحدة بطّلعلك ديك وطفرة ثانية عشان الجاجة .. بالله عليك شو إحتمالية يصير هالحكي؟

  4. بلفوط Says:

    قصدي البيضتين احتمال يطلعوا جاجة وديك بضل 50%.

  5. Yasmine Says:

    Hi Uncle! I like your clay figures.Can’t wait to come see Joon and Auntie Shorouk. By the way I turned 11 a few days ago on 2/13/07.

    Love,
    Yasmine

  6. Wael Attili Says:

    Hi Yasmine, thank you for your nice comment. really it made me happy to know that you see my blog. Shorouk says hi and we are all waiting for you to come.. i am sure that you will have lots of fun in Jordan. and Happy Birthday to you..

  7. Lammoush Says:

    lool mumtaz!

  8. Mof Says:

    بلفوط I am curious to know who are you since I saw one of your posts somewhere making fun of my friend…hahaha (the USC guy).

    Mof

  9. /Chady Karlitch/ Says:

    wle / dayya3tneh bhal jayeb
    2enno el sou2al ba3do 2ar7am

    bass eza befham mni7 fiya chweyett mante2

Leave a Reply